Bugun FIFA terma jamoalarning yangi reytingini e’lon qildi. Unga ko‘ra, O‘zbekiston milliy terma jamoasi o‘tgan oydagi o‘rnini saqlab qoldi. Terma jamoamiz 381 ochko bilan 88-pog‘onani band etib turibdi.
Osiyo jamoalari o‘rtasida hamon Eron peshqadamlik qilmoqda. Keyrush shogirdlari umumiy ro‘yxatning 36-pog‘onasida qayd etilgan. Avstraliya termasi 40-o‘rin, Yaponiya 60 va Janubiy Koreya 61-o‘rinlardan joy olgan.
Bizdan oldingi o‘rinlarda, shuningdek, Qirg‘iziston, Suriya, Livan va Ummon kabi terma jamoalar ham bor.
Umumiy reytingni Germaniya terma jamoasi boshqaryapti. Ikkinchi o‘rinda Braziliya, uchinchi o‘rinda esa Belgiya termasi bormoqda.
Kuchli o‘nlikdan, shuningdek, Portugaliya, Argentina, Shveysariya, Fransiya, Ispaniya, Chili va Polsha terma jamoalari joy olgan.