Eron poytaxti Tehron shahridagi “Ozodiy” stadionida Eron hamda O‘zbekiston milliy terma jamoalari o‘rtasidagi o‘rtoqlik uchrashuvi o‘z nihoyasiga yetdi. Uchrashuvda vakillarimiz kichik hisobda mag‘lub bo‘lishdi.
Uchrashuvdagi yagona gol 17-daqiqada Ro‘zbeh Chashmiy tomonidan kiritildi. U burchakdan oshirib berilgan to‘pni boshi bilan darvozaga aniq yo‘llab, hisobni ochishga muvaffaq bo‘ldi. 1:0 hisobi o‘yin oxiriga qadar o‘zgarmay qoldi.
Garchi o‘yinda imkoniyat boy berilgan bo‘lsa ham, tarkibimizdagi bir qator yosh futbolchilar uchun Eron kabi kuchli raqibga qarshi kechgan bu uchrashuv katta tajriba maktabi bo‘lganini ta’kidlab o‘tish zarur.
O‘rtoqlik o‘yini. Eron – O‘zbekiston 1:0
Gol: Ro‘zbeh Chashmiy (17)
Eron MTJ: 30. Amir Obidzoda, 2. Vuriya G‘ofuriy, 26. Muhammad Xonzoda, 19. Majid Husayni, 8. Ali Gulizoda, 13. Ro‘zbex Chashmiy, 10. Karim Ansorifard, 3. Ehson Hoji Safiy, 7. Mahdi Turobiy, 16. Rizo G‘uchannajod, 17. Mahdi Taremi
O‘zbekiston MTJ:1.Botirali Ergashev, 2.Rustam Ashurmatov, 4.Akrom Komilov, 5.Abbos Otaxonov, 6.Aziz G‘aniyev, 7.Odiljon Hamrobekov, 9.Zabihillo O‘rinboyev, 10.Aziz Turg‘unboyev, 17.Jaloliddin Masharipov, 20.Doston Tursunov, 22.Javohir Sidiqov.
