“Barselona” rahbariyati yarim himoyachi Serxio Buskets bilan yangi shartnoma imzolash bo‘yicha muzokara olib bormoqda.

Xabarlarga ko‘ra, “anorranglilar” prezidenti Jozep Bartomeu Buskets bilan shaxsan uchrashib, yangi shartnoma bandlarini ko‘rib chiqishni aytib o‘tgan.

Hozirda, ispaniyalik futbolchining amaldagi shartnomasi 2021 yilgacha belgilangan. Kataloniyaliklar Buskets bilan yana ikki yillik shartnoma imzolash niyatida. Qolaversa, rahbariyat yangi shartnomaga ko‘ra, Busketsning maoshini oshirmoqchi lekin tovon pulini ko‘tarishi hozircha noma’lum.

Bartomeu Buskets bilan kelushuvni jahon chempionati starti oldidan amalga oshirmoqchi.