Madridning “Real” klubi hali hamon Krishtianu Ronalduni jamoada olib qolmoqchi.
“Qaymoqranglilar” rahbariyati 33 yoshli futbolchiga yiliga 25 million yevro maosh taklif qilgan. Bundan tashqari, portugaliyalik mukofot pulidan yana 7,5 mln ishlab olishi mumkin.
Agar Ronaldu jamoa bilan chempionlar ligasi bosh sovrinini qo‘lga kiritsa 2 mln, La Liganing asosiy sovriniga ega chiqsa 1,5, Ispaniya kubogi va “Oltin to‘p”ni yutsa 1 mlndan oladi.
Shuningdek, Krishtianu primeroda to‘purar bo‘lsa 500 ming yevro ishlab oladi. Shunday qilib, Ronaldu bir mavsumda 32,5 mln maosh qo‘lga kiritishi mumkin.
Lekin shu tarafi borki, Ronaldu qancha maosh olmasin baribir Messi va Neymar undan ko‘p maosh oladi.
