«Messi va Ronaldu qarama-qarshiligi» nomli yakuni yo‘q serialning navbatdagi seriyasi tayyor - argentinalik dahocha o‘z hisobidagi «Oltin butsa» sovrini sonini 5taga yetkazib, bu borada portugaliyalik raqibidan o‘zib ketdi.
Milliy chempionatlar yakuniga yetdi va mavsum-2017|2018 bosh goleadoriga atalgan yevrofutbol «Oltin butsa»si «Barselona» yetakchisi Lionel Messining shaxsiy kolleksiyasidan o‘rin olishi oydinlashdi.
Argentinalik yulduz Primero finishida «Real Sosyedad»ga qarshi kechgan o‘yinda o‘z natijasi (34ta gol)ni yaxshilagani yo‘q, shunday bo‘lsada, yevroto‘purarlar poygasidagi peshqadamlik mavqesi daxlsiz qoldi.
Shu tariqa Messi ketma-ket ikkinchi marta, umumiy hisobda esa 5-marta «Oltin butsa» sohibiga aylandi. Bu sovrin tarixidagi rekord ko‘rsatkichdir. Darvoqe, Krishtianu Ronaldu hisobida 4ta «Oltin butsa» bor.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
