"Yuventus" rahbariyati o‘zining o‘smirlar U-15 jamoasini tarqatib yuborish fikridan qaytdi.

Gap shundaki, yosh "Yuve"chilar Italiya chempionatining yarimfinalida "Napoli"dagi tengdoshlarini mag‘lub etdilar (3:0). Shundan so‘ng ijtimoiy tarmoqda "Neapolliklarni pastga uradigan qo‘shiq"ni kuylab joyladilar. Shu tariqa turinliklar shimolliklarga xos ravishda "taraqqiyotdan ortda qolgan" janubliklar ustidan kuldilar.

"Yuventus" rahbariyati qat’iy intizom choralarini ko‘rib chiqdi, ular orasida bu tarkibni tarqatib yuborish ham bor edi. Ammo oxir-oqibat yosh futbolchilarni o‘rgatuvchi kurslarga yuborishga qaror qilindi. Kurslarda yosh o‘yinchilar raqiblarni hurmat qilish, ijtimoiy tarmoqlardan to‘g‘ri va ehtiyotkorlik bilan foydalanish saboqlarini oladilar.