JCH-2018 musobaqasi "S" guruhi 1-tur uchrashuvidan o‘rin olgan Peru hamda Daniya terma jamoalari o‘rtasidagi bahs o‘z nihoyasiga yetdi. Bu uchrashuvda daniyaliklarning qo‘li baland keldi.
O‘yin teng kurashlar ostida kechdi. Birinchi bo‘limda peruliklarda oldinga chiqib olish uchun imkoniyat tug‘ildi, biroq, Kristian Kueva penaltini amalga oshirolmadi.
Ikkinchi bo‘limning 59–daqiqadasida Kristian Eriksen qulay uzatma bilan Yusuf Poulsenni darvozabon bilan birga-bir vaziyatga chiqarib yubordi, hujumchi esa ushbu vaziyatdan unumli foydalandi. Shundan so‘ng tashabbus butkul peruliklar tarafiga o‘tdi.
Ularning ketma-ket hujumlari ha deganda samara bermadi. Petr Shmeyxelning seyvlari va so‘nggi zarbalardagi biroz noaniqliklar daniyaliklarni muqarar gollardan asrab qoldi.
Shu tariqa, Daniya turnirni g‘alaba bilan boshladi guruhda Fransiya bilan birgalikda yetakchilik qilmoqda.
JCH-2018
"S" guruhi 1-tur
Peru – Daniya 0:1 (0:0, 0:1)
Gol: 0:1 – 59 Poulsen.
Peru – Galyese, Rodriges, Trauko, Advinkula, Ramos, Flores (Gerrero, 62), Tapiya (Akino, 87), Karrilyo, Kueva, Farfan (Ruidias, 85), Yotun.
Daniya – Shmeyxel, Kyer, Larsen, Dalsgor, Kristensen (Yorgensen, 81), Kvist (SHene, 36), Dileyni, Eriksen, Sisto (Breytueyt, 67), Yorgensen, Poulsen.
Ogohlantirishlar: Tapiya (38), Dileyni (86), Poulsen (90+3).
