ЖЧ-2018 мусобақаси "С" гуруҳи 1-тур учрашувидан ўрин олган Перу ҳамда Дания терма жамоалари ўртасидаги баҳс ўз ниҳоясига етди. Бу учрашувда данияликларнинг қўли баланд келди.

Ўйин тенг курашлар остида кечди. Биринчи бўлимда перуликларда олдинга чиқиб олиш учун имконият туғилди, бироқ, Кристиан Куэва пенальтини амалга оширолмади.

Иккинчи бўлимнинг 59–дақиқадасида Кристиан Эриксен қулай узатма билан Юсуф Поульсенни дарвозабон билан бирга-бир вазиятга чиқариб юборди, ҳужумчи эса ушбу вазиятдан унумли фойдаланди. Шундан сўнг ташаббус буткул перуликлар тарафига ўтди.

Уларнинг кетма-кет ҳужумлари ҳа деганда самара бермади. Петр Шмейхелнинг сейвлари ва сўнгги зарбалардаги бироз ноаниқликлар данияликларни муқарар голлардан асраб қолди.

Шу тариқа, Дания турнирни ғалаба билан бошлади гуруҳда Франция билан биргаликда етакчилик қилмоқда.

ЖЧ-2018

"С" гуруҳи 1-тур

Перу – Дания 0:1 (0:0, 0:1)

Гол: 0:1 – 59 Поульсен.

Перу – Гальесе, Родригес, Трауко, Адвинкула, Рамос, Флорес (Герреро, 62), Тапия (Акино, 87), Каррильо, Куэва, Фарфан (Руидиас, 85), Йотун.

Дания – Шмейхель, Кьер, Ларсен, Дальсгор, Кристенсен (Йоргенсен, 81), Квист (Шене, 36), Дилэйни, Эриксен, Систо (Брэйтуэйт, 67), Йоргенсен, Поульсен.

Огоҳлантиришлар: Тапия (38), Дилэйни (86), Поульсен (90+3).