Marokash terma jamoasi avvalgi 2ta turda mag‘lub bo‘lgan bo‘lsa-da, juda yaxshi o‘yin namoyish qilgandi. Afrikaliklar muddatidan avval pley-offga chiqish imkoniyatidan mahrum bo‘lgan bo‘lsalar-da, ular so‘nggi bahsga kelib ochko qo‘lga kiritishga muvaffaq bo‘lishdi. Marokashliklar hattoki nomdor Ispaniyani mag‘lub etishlari ham mumkin edi.

Uchrashuvning 14-daqiqasida Xolid Butayb hisobni ochishga muvaffaq bo‘ldi. Oradan ko‘p o‘tmasdan Isko muvozanatni tikladi.

Ikkinchi bo‘lim tugashiga 9 daqiqa qolganida burchakdan yetkazilgan to‘pni Yusuf en-Nesiriy bosh bilan darvozaga joylab, Marokashni yana oldinga olib chiqdi. So‘nggi daqiqalarda Yago Aspas tovoni bilan juda chiroyli gol urib, hisobni tenglashtirdi.

Ispaniya terma jamoasi guruhda 5 ochko to‘pladi. Yerro shogirdlari urilgan gollar soni hisobiga Portugaliyadan oldinga o‘tishdi va guruh g‘olibiga aylanishdi. Ispaniyani chorak finalda Rossiya terma jamoasi kutib turibdi.

JCH-2018, "V" guruhi, 3-tur
Ispaniya – Marokash 2:2 (1:1, 1:1)
Gollar: 0:1 – 14 Butayb, 1:1 – 19 Isko, 1:2 – 81 En-Nesiriy, 2:2 – 90 Aspas.
Ispaniya – De Xea, Karvaxal, Pike, Ramos, Alba, Alkantara (Asensio, 74), Buskets, Inyesta, Silva (Rodrigo, 84), Diyego Kosta (Aspas, 74), Isko.
Marokash – Moxamedi, Dirar, da Koshta, Saiss, Hakimiy, El-Axmadi, Amrabat, Bussufa, Belxanda (Fajr, 63), Ziyesh (Buxadduz, 85), Butaib (En-Nesiri, 71).
Ogohlantirishlar: El-Ahmadiy (21), Amrabat (29), Bussufa (31), da Koshta (31), Muhammadiy (89), Hakimiy (90).