Марокаш терма жамоаси аввалги 2та турда мағлуб бўлган бўлса-да, жуда яхши ўйин намойиш қилганди. Африкаликлар муддатидан аввал плей-оффга чиқиш имкониятидан маҳрум бўлган бўлсалар-да, улар сўнгги баҳсга келиб очко қўлга киритишга муваффақ бўлишди. Марокашликлар ҳаттоки номдор Испанияни мағлуб этишлари ҳам мумкин эди.

Учрашувнинг 14-дақиқасида Холид Бутайб ҳисобни очишга муваффақ бўлди. Орадан кўп ўтмасдан Иско мувозанатни тиклади.

Иккинчи бўлим тугашига 9 дақиқа қолганида бурчакдан етказилган тўпни Юсуф эн-Несирий бош билан дарвозага жойлаб, Марокашни яна олдинга олиб чиқди. Сўнгги дақиқаларда Яго Аспас товони билан жуда чиройли гол уриб, ҳисобни тенглаштирди.

Испания терма жамоаси гуруҳда 5 очко тўплади. Йерро шогирдлари урилган голлар сони ҳисобига Португалиядан олдинга ўтишди ва гуруҳ ғолибига айланишди. Испанияни чорак финалда Россия терма жамоаси кутиб турибди.

ЖЧ-2018, "В" гуруҳи, 3-тур
Испания – Марокаш 2:2 (1:1, 1:1)
Голлар: 0:1 – 14 Бутайб, 1:1 – 19 Иско, 1:2 – 81 Эн-Несирий, 2:2 – 90 Аспас.
Испания – Де Хеа, Карвахаль, Пике, Рамос, Альба, Алькантара (Асенсио, 74), Бускетс, Иньеста, Сильва (Родриго, 84), Диего Коста (Аспас, 74), Иско.
Марокаш – Мохамеди, Дирар, да Кошта, Саисс, Ҳакимий, Эль-Ахмади, Амрабат, Буссуфа, Бельханда (Фажр, 63), Зиеш (Бухаддуз, 85), Бутаиб (Эн-Несири, 71).
Огоҳлантиришлар: Эл-Аҳмадий (21), Амрабат (29), Буссуфа (31), да Кошта (31), Муҳаммадий (89), Ҳакимий (90).