Jahon chempionatida birinchi katta sensasiya qayd etildi. Chempionlikka asosiy da’vogar sifatida qaralayotgan, qolaversa, amaldagi jahon chempioni Germaniya mundialni sharmandalarcha tark etdi. Eng hayratlanarlisi, “nemis mashinasi” guruh bosqichi so‘nggi turida Janubiy Koreya terma jamoasiga 0:2 hisobida mag‘lub bo‘ldi. Qit’adoshlarimizni hurmat qilgan holda aytamizki, bu Germaniya uchun chinakam sharmandali natija bo‘ldi. Xo‘sh, bu mag‘lubiyatlarning sababi nima?

YETARLICHA TAYYORGARLIK KO‘RILMADI

Yoaxim Lyov boshchiligidagi Germaniyani avval jahon chempionligi, keyin esaYevropa chempionligi ancha xotirjam qilgan ko‘rinadi. Lyov Germaniyaning yoshargan tarkibi bilan Yevropa chempioni bo‘lgach, jahon chempionatini ham qoyillataman deb o‘yladi, ammo bu jahon chempionati, Yevropa chempionati emas. Bu yerda Meksika va Janubiy Koreya kabi terma jamoalar o‘ynaydi. Ortiqcha xotirjamlikka berilish salbiy oqibatlarga olib keladi.

NOTO‘G‘RI TARKIB

Lyovning eng katta xatosi — tarkib. Birinchidan, darvozani Noyer emas, Ter Shtegen qo‘riqlashi kerak edi. Ikkinchidan, murabbiy jahon chempionatigamundial talablariga javob bera oladigan tarkib xususan davomi