Urugvay terma jamoasi bosh murabbiyi Oskar Tabares jahon chempionatining 1/8 finalida bo‘ladigan Portugaliyaga qarshi o‘yin borasida o‘z fikrlarini bildirib o‘tdi.

«Ronaldu – jahonning eng yaxshi futbolchilaridan biri, lekin biz raqibning har bir o‘yinchisi va yaxlit Portugaliyaga ahamiyat qaratamiz. Ronaldu nafaqat ajoyib o‘yinchi, balki u sardor va terma jamoa yetakchisi. Uning harakatlarini cheklab qo‘yish uchun biz jamoaviy harakat qilishimiz kerak. Ertaga ajoyib o‘yin bo‘ladi. O‘yinning saviyasi qanday bo‘lishini esa ertaga bilib olamiz.

O‘z maqsadimizga erishish uchun bu qadar yaqin kelmagandik. Bizda bu o‘yinga nisbatan xotirjamlik mavjud. O‘yinchilar uchun imkoniyat yaratishimiz kerak.

O‘yindan keyin nimalar yuz berishi mumkinligi haqida o‘ylamaslikka harakat qilyapman. Ertangi o‘yin boshqa sahifa bo‘ladi. Statistik va bashoratlarga biz tayanmaymiz. Ruhiy tayyorgarlik va jamoaviy o‘yin — ertaga biz maydonda namoyish qilishimiz kerak bo‘lgan jihatlar», – dedi Tabares.

Eslatib o‘tamiz, Urugvay – Portugaliya bahsi 30 iyunya kuni Toshkent vaqti bilan 23:00da boshlanadi.