O‘zbekiston futbol Assosiasiyasi tashabbusi bilan iyul - avgust oylarining o‘zida O‘zbekiston bo‘ylab 200ga yaqin musobaqa o‘tkazilishi ko‘zda tutilgan. Bugunga kelib o‘tkazilgan musobaqlar soni hududlar bo‘yicha hisoblaganda 400dan oshdi.
Qashqadaryo viloyati markazi bo‘lgan Qarshi shahrida bugun 2006 yilda tavallud topgan futbolchilar o‘rtasida 17-22 iyul kunlari bo‘lib o‘tadigan musobaqaga qur’a tashlash marosimi bo‘lib o‘tdi. Unda O‘FA va Qashqadaryo FA vakillari ishtirok etdilar.
Qur’a natijalari quyidagicha ko‘rinish oldi:
"A" guruhi: "Nasaf", Samarqand BO‘FM, Buxoro BO‘FM, "Lokomotiv-Boysun".
"B" guruhi: "Chig‘atoy", "Sho‘rtan", Jizzax BO‘SM, "Surxon",
"S" guruhi: "Mash’al", Koson BO‘FM, Navoiy BO‘FM, Sirdaryo BO‘SM.
"O‘FA 1-vise-prezidenti Umid Ahmadjonov tomonidan olib borayotgan siyosatdan eng ko‘p bolalar xursand bo‘layapti deb o‘ylayman. Bu yilni hisobidan Qashqadaryoni o‘zida 50ga yaqin musobaqa o‘tkazdik. Ular hali davom etadi. "Voha Cup" esa hamkorlikdagi eng yaxshi turnirlarimizdan biri bo‘ladi degan umiddaman", - deydi Qashqadaryo futbol assosiasiyasi 1-vise-prezidenti Norqul Daminov.