Ўзбекистон футбол Ассоциацияси ташаббуси билан июль - август ойларининг ўзида Ўзбекистон бўйлаб 200га яқин мусобақа ўтказилиши кўзда тутилган. Бугунга келиб ўтказилган мусобақлар сони ҳудудлар бўйича ҳисоблаганда 400дан ошди.
Қашқадарё вилояти маркази бўлган Қарши шаҳрида бугун 2006 йилда таваллуд топган футболчилар ўртасида 17-22 июль кунлари бўлиб ўтадиган мусобақага қуръа ташлаш маросими бўлиб ўтди. Унда ЎФА ва Қашқадарё ФА вакиллари иштирок этдилар.
Қуръа натижалари қуйидагича кўриниш олди:
"А" гуруҳи: "Насаф", Самарқанд БЎФМ, Бухоро БЎФМ, "Локомотив-Бойсун".
"Б" гуруҳи: "Чиғатой", "Шўртан", Жиззах БЎСМ, "Сурхон",
"С" гуруҳи: "Машъал", Косон БЎФМ, Навоий БЎФМ, Сирдарё БЎСМ.
"ЎФА 1-вице-президенти Умид Аҳмаджонов томонидан олиб бораётган сиёсатдан энг кўп болалар хурсанд бўлаяпти деб ўйлайман. Бу йилни ҳисобидан Қашқадарёни ўзида 50га яқин мусобақа ўтказдик. Улар ҳали давом этади. "Voha Cup" эса ҳамкорликдаги энг яхши турнирларимиздан бири бўлади деган умиддаман", - дейди Қашқадарё футбол ассоциацияси 1-вице-президенти Норқул Даминов.
