Kolumbiya terma jamoasi sardori Radamel Falkao JCH-2018 1/8 finalida Angliya bilan uchrashuvda (1:1, pen - 3:4) amerikalik hakam Mark Geygerning ishlaganiga norozi bo‘ldi.
"Bu o‘yinga AQSHlik hakamni tayinlash - juda bahsli qaror. Bahsli vaziyatlar ko‘p bo‘ldi, hakam ularda angliyaliklar taraf bo‘ldi. U maydonda faqat ingliz tilida gapirdi, ya’ni angliyaliklar tilida. Har qanday vaziyatda u Angliya foydasiga qaror chiqardi. BU sharmandalik", - deydi Falkao.
Eslatib o‘tamiz, Geyger ikkinchi bo‘lim boshida kolumbiyaliklar darvozasiga pealti belgiladi va Keyn gol urdi.
Angliya 7 iyul kuni chorak final doirasida Shvesiya bilan o‘ynaydi.
