Колумбия терма жамоаси сардори Радамель Фалькао ЖЧ-2018 1/8 финалида Англия билан учрашувда (1:1, пен - 3:4) америкалик ҳакам Марк Гейгернинг ишлаганига норози бўлди.
"Бу ўйинга АҚШлик ҳакамни тайинлаш - жуда баҳсли қарор. Баҳсли вазиятлар кўп бўлди, ҳакам уларда англияликлар тараф бўлди. У майдонда фақат инглиз тилида гапирди, яъни англияликлар тилида. Ҳар қандай вазиятда у Англия фойдасига қарор чиқарди. БУ шармандалик", - дейди Фалькао.
Эслатиб ўтамиз, Гейгер иккинчи бўлим бошида колумбияликлар дарвозасига пеальти белгилади ва Кейн гол урди.
Англия 7 июль куни чорак финал доирасида Швеция билан ўйнайди.
