«Santos»ning 17 yoshli hujumchisi Rodrigo Silva de Gois - «Real» tomonidan joriy yoz sotib olingan birinchi futbolchi.
Madridliklar ushbu is’tedodni shundoq «Barselona» «burni»ning ostidan ilib ketishdi. Har holda, futbolchining otasi Kataloniyada bo‘lib, «ko‘k-anorranglilar» vakillari bilan muzokara jarayonini boshlagandi.
Lekin bu ilib ketish arzonga tushmadi - «Qirollik klubi» 17 yoshli yigitchaga naq 45 mln. yevro to‘laydi. Lotin Amerikasi klublari tarixda biror futbolchi ortidan bunchalik ko‘p pul olmagandi.
Ha, Neymar transferi bor. Biroq o‘shanda «Barselona» tomonidan braziliyalik uchun to‘langan mablag‘ning katta qismi futbolchining huquqlariga egalik qiluvchi kompaniyalarga nasib etgandi.
45 mln. yevro — bu hattoki, zamonaviy futbol o‘lchovlari bo‘yicha ham salmoqli summa. Umuman, prfessional darajada atigi 5ta gol urgan 17 yoshli yigitchaga shuncha ko‘p to‘lashning o‘zi juda g‘alati. Ha, Rodrigo Silva de Gois o‘ta iqtidorlidir, texnik qobiliyati juda balanddir, ammo...
Ha, Braziliyada uni «Yangi Neymar» o‘rnida ko‘rishayotgandir, biroq... Axir Braziliyada har yili o‘nlab shunday «yangilar» ko‘zga tashlanishadi va ularni darhol Yevropa futboliga tortishadi. Shu o‘rinda adolat yuzasidan aytish kerak, mohiyatan olganda, «Santos» vunderkindi — alohida iste’dod.
Har holda, «Barsa»dan tashqari, «Liverpul» va «Manchester Yunayted» kabi klublarning unga jiddiy qiziqishgani nimalardandir dalolat berib turibdi.
Yana bir tomoni, «Santos» va Rodrigo Silva de Gois o‘rtasidagi shartnomada kattagina tovon puli ko‘rsatilgandi - 50 mln. yevro. Demakki, «Real» belgilangan narxni atigi 5 «limon»ga tushirish uddasidan chiqdi, xolos.
O‘yin uslubiga kelsak, Rodrigo...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
