Belgiya terma jamoasi yarimhimoyachisi Eden Azar JCH chorak finalida Braziliya ustidan qozonilgan g‘alabadan so‘ng (2:1) fikrlarini bildirdi.

"Bunday natijadan juda baxtiyorman. Bugungi o‘yin har qanday xatolarsiz o‘tdi, deb o‘ylayman, ayniqsa, himoyada.

Biz ko‘plab golli vaziyatlar yaratdik va raqibni to‘xtata oldik. Bizning kuchli tomonimiz - himoya.

Navbatdagi o‘yin yanada qiyin bo‘ladi. Avvalgi Fransiyaning kuchli jamoa ekanini isbotladi. BU o‘yin biz uchun katta sinov bo‘ladi. Biz ham munosib davogar va raqib ekanimizni isbotlaymiz.

Men anchadan buyon yaxshi biladigan fransuz futbolchilariga qarshi o‘ynayman. Bu men uchun o‘zgacha o‘yin bo‘ladi. Men Fransiyada ko‘p yillar yashaganman. Ammo bu g‘alaba qozonish istagimga halaqit bermaydi. Fransuzlarga va o‘z muxlislarimizga kuchli jamoa ekanimizni isbotlashni istayman", - deydi Azar.