“Lokomotiv” hamda “Qo‘qon-1912” jamoalari o‘rtasidagi uchrashuvlar hamisha qiziqarli tarzda o‘tib keladi. Biroq ushbu jamoalarning o‘zaro qarama-qarshiliklari tarixi u qadar uzoqqa borib taqalmaydi.
“Loko” ushbu raqibga qarshi hozirga qadar milliy chempionatlarimiz tarixida 7 marta o‘yin o‘tkazgan va hali umuman mag‘lubiyat alamini totib ko‘rmagan. “Temiryo‘lchilar” jamoasi o‘zaro bellashuvlarning 4tasini o‘z foydalariga hal etishgan. 3ta o‘yin esa durang natijasi bilan tugagan. Qo‘qonlik futbolchilar esa “Lokomotiv” ustidan hali g‘alabaga erishmagan.
“Lokomotiv” Qo‘qon jamoasiga qarshi ilk o‘yinini 2015 yilgi mavsumda o‘tkazgan. 24 may sanasida “Lokomotiv” maydonida o‘tgan matchda 1:0 hisobi qayd etilgan. Umumiy hisobda “Loko” ushbu raqib darvozasini 15 marta ishg‘ol etgan. O‘z darvozamizdan esa 5 bora to‘p o‘tkazib yuborganmiz.
“Lokomotiv”ning “Qo‘qon-1912” jamoasi ustidan qozongan eng yirik hisobdagi g‘alabasi 2016 yilgi mavsumda qayd etilgan bo‘lib, o‘shanda “Loko” o‘z maydonida raqibni 4:0 hisobida taslim etgandi.
Jamoalarning o‘zaro o‘tkazgan barcha uchrashuvlari:
07.04.2018 “Lokomotiv” – “Qo‘qon-1912” 1:1
25.10.2017 “Lokomotiv” – “Qo‘qon-1912” 3:0
17.05.2017 “Qo‘qon-1912” – “Lokomotiv” 1:1
14.10.2016 “Lokomotiv” – “Qo‘qon-1912” 4:0
30.05.2016 “Qo‘qon-1912” – “Lokomotiv” 1:3
16.10.2015 “Qo‘qon -1912” – “Lokomotiv” 2:2
24.05.2015 “Lokomotiv” – “Qo‘qon-1912” 1:0
