Ukraina futbol federasiyasi prezidenti Andrey Pavelko Xorvatiya terma jamoasi himoyachisi Domagoy Vidaning so‘zlariga munosabatini bildirdi.
JCH-2018 chorak finalida Rossiya - Xorvatiya uchrashuvidan so‘ng (2:2, 3:4 -pen) Vida internetga video joylagan, unda "Ukrainaga shon-sharaflar" degan edi.
"UFF va shaxsan men Xorvatiya futbolchisi Domagoy Vidaning atrofidagi voqealarga nisbatan qat’iy pozisiyadamiz.
Futbolchi uzoq yillar Kiyev "Dinamo"sida o‘ynagan, mamalakatimiz uchun qiyin davrda Ukraina poytaxtida yashagan, bu yerda uning do‘stlari va muxlislari ko‘p, bu so‘zlarini ularga atagan.
"Ukrainaga shon-sharaflar" murojaati fuqarolarimiz uchun vatanparvarlik ramziga aylangan. Shuning uchun bizning mamlakatimiz ko‘p narsa bergan inson buni hurmat qilishga va izhor qilishga haqli.
Biz tezda FIFA va UYEFAga xat yubordik. Maqsad xorvat futbolchisini himoya qilishgina emas, birinchi o‘rinda bizning mamlakatni hurmat qiladigan insonni himoya qilish maqsadida.
Vida JCH-2018 yarimfinalida o‘ynaydi! Xorvatiyaga shonsharaflar! Ukrainaga shon-sharaflar!", - deydi Pavelko.
