Украина футбол федерацияси президенти Андрей Павелко Хорватия терма жамоаси ҳимоячиси Домагой Виданинг сўзларига муносабатини билдирди.

ЖЧ-2018 чорак финалида Россия - Хорватия учрашувидан сўнг (2:2, 3:4 -пен) Вида интернетга видео жойлаган, унда "Украинага шон-шарафлар" деган эди.

"УФФ ва шахсан мен Хорватия футболчиси Домагой Виданинг атрофидаги воқеаларга нисбатан қатъий позициядамиз.

Футболчи узоқ йиллар Киев "Динамо"сида ўйнаган, мамалакатимиз учун қийин даврда Украина пойтахтида яшаган, бу ерда унинг дўстлари ва мухлислари кўп, бу сўзларини уларга атаган.

"Украинага шон-шарафлар" мурожаати фуқароларимиз учун ватанпарварлик рамзига айланган. Шунинг учун бизнинг мамлакатимиз кўп нарса берган инсон буни ҳурмат қилишга ва изҳор қилишга ҳақли.

Биз тезда ФИФА ва УЕФАга хат юбордик. Мақсад хорват футболчисини ҳимоя қилишгина эмас, биринчи ўринда бизнинг мамлакатни ҳурмат қиладиган инсонни ҳимоя қилиш мақсадида.

Вида ЖЧ-2018 яримфиналида ўйнайди! Хорватияга шоншарафлар! Украинага шон-шарафлар!", - дейди Павелко.