Belgiya terma jamoasi yarimhimoyachisi Eden Azar JCH-2018 3-o‘rini uchun uchrashuvda Angliya ustidan qozonilgan halabadan so‘ng (2:0) fikrlari bilan o‘rtoqlashdi.

"O‘ylaymanki, bu o‘yindan so‘ng musobaqaning eng yaxshi o‘yinchisi nomiga munosib bo‘ldim. Agar shunday bo‘lsa, xursand bo‘laman. Ammmo bu asosiysi emas, biz individual sovrinlar uchun o‘ynamaymiz. Butun jamoa bunday sharafga munosib.

O‘zimni juda yaxshi his qilyapman. Biz butun Belgiyaga bayram taqdim qildik. Oldinga qarab, keyingi musobaqalarga tayyorlanish kerak", - deydi Azar.