Samarqand viloyatida O‘zbekiston futbol Assosiasiyasining tashabbusi bilan o‘tkazilgan "Amir Temur" Kubogi o‘z nihoyasiga yetdi.   3-o‘rin uchun bahsda Buxoroning BO‘SM28 jamoasi gulistonlik tengqurlariga qarshi bahs olib bordilar. Unda jangovor durang qayd etildi. Musobaqa shartiga ko‘ra ikki jamoaga ham bronza medallari topshirildi.    Final o‘yinida Namanganning "Navbahor" tarbiyalanuvchilari poytaxtning "Odil Junior" jamoasiga qarshi bahs olib bordilar. Unda Zayniddin Tojiyev shogirdlari 5:0 hisobida g‘alaba qozondi va Tojiyevlarning to‘ng‘ichi murabbiylik sohasidagi o‘zining dastlabki sovrinini yutishga muvaffaq bo‘ldi.   "Bugunga kelib yoshlar o‘rtasida tashkil qilinayotgan musobaqalarning ko‘paygani biz kabi murabbiylar uchun ayni muddao bo‘ldi. Qancha musobaqa ko‘p bo‘lsa, shuncha bolalarni saralab olishimiz mumkin. Samarqanddagi musobaqaning saviyasi ancha baland bo‘ldi, ayniqsa tabiiy maydonda to‘p tepganimiz. Bu yutuq bilan to‘xtalib qolmaymiz va bolalar futbolida samarali ishlashga harakat qilamiz", - deydi Zayniddin Tojiyev.