PEPSI Superligasining 20-turi doirasida "Paxtakor"ga qarshi o‘yindan keyingi matbuot anjumanida "Lokomotiv"da bosh murabbiylik vazifasini bajarayotgan Andrey Fyodorov o‘z fikrlarini bildirib o‘tdi.

- O‘yin qiziqarli bo‘lishini kutgandim. Bahs faqatgina muxlislarga emas, murabbiylarga manzur keldi. Bugun futbolchilarning jismoniy holatidan tashqari, ruhiy holati ham anchagina muhim faktorlardan biriga aylandi. Gol o‘tkazib yuborganimizda, hisob 1:0 vaqtida, men yigitlarning ko‘zlariga qarab, mag‘lub bo‘lmasligimizni tushundim. Barcha futbolchilar o‘z ishini bajara oldi. Dastlabki golni urib olganimizdan keyin ikkinchi marta raqib darvozasiga yo‘l topishga umid qilgandik. Natija adolatli bo‘ldi. Bunday bahslarda ko‘proq gol urgan tomon yutadi. Yigitlarga rahmat aytaman. Ikki jamoa ham maydonga chiqqanidan keyin yutishni istagani yaqqol ko‘rindi.

 Anzur Ismoilov? Uni tibbiy ko‘rik uchun shifokor ko‘rigiga yubordik. Barchasi yaqin vaqtlarda aniq bo‘ladi.

Pogrebnyak? U bizning havoga, chillaga moslasha olmayapti. Umid qilamanki, uning xizmatidan ham foydalanamiz.