10 avgust kunidan boshlab Angliya chempionatining yangi mavsumiga start beriladi. Odatdagidek "Futbol bashorati" tanlovining yangi mavsum start oladi. Bu haqda biroz keyinroq alohida to‘xtalib o‘tamiz. Hozircha esa o‘tgan mavsum g‘oliblarini e’lon qilib, ularni taqdirlaymiz.

APL
2017/2018 yilgi mavsumda APL tanlovida YOSHCHEMPION niki ostidagi muxlisimiz chempionlikni qo‘lga kiritdi. U jami 425 ochko jamg‘arib, ta’qibchilaridan ancha ilgarilab ketdi. G‘olibga, va’da qilinganidek, 50 ming so‘m miqdorida mukofot taqdim etiladi.

Ikkinchi o‘rin NODIRNASAFga nasib etdi — 411 ball. QORIAKA esa 349 ball bilan 3-o‘rinni egalladi. ARSEBARSE 4-pog‘onani band etgan bo‘lsa (333 ball), undan atigi 1 ochko jamg‘argan MESSISURXON faxrli 5-o‘rinni egalladi.

Mazkur 5 nafar ishqiboz quyidagi mukofot bilan taqdirlanishadi:
1-o‘rin. YOSHCHEMPION — 50 ming so‘m
2-o‘rin. NODIRNASAF — 40 ming so‘m
3-o‘rin. QORIAKA — 30 ming so‘m
4-o‘rin. ARSEBARSE — 20 ming so‘m
5-o‘rin. MESSISURXON — 10 ming so‘m

APL-2017/2018 tanlovida yuqori 20ta o‘rinni egallagan muxlislar reytingi quyidagicha ko‘rinish oldi.

LA LIGA
Shuningdek, o‘tgan mavsumda muxlislar "Futbol bashorati"ning Ispaniya chempionati o‘yinlarida ham ishtirok etishdi. G‘oliblar nomini e’lon qilamiz.

Qiziq tomoni, APLda dastlabki 2ta o‘rinni egallagan ikki ishqiboz, La ligada o‘zaro o‘rin almashishdi. Ya’ni NODIRNASAF Primerada chempion bo‘lgan bo‘lsa, YOSHCHEMPION ikkinchi pog‘onani band etdi. Ular mos ravishda 404 va 357 ochko jamg‘arishdi.

JAMXONFCB 354 ochko bilan 3-o‘rinni egallagan bo‘lsa, HALIL undan 6 ball kamroq to‘plagan holda 4-o‘rinni band etdi. APL tanlovida to‘rtinchi bo‘lgan ARSEBARSE bu tanlovda 5-o‘rinni egalladi.

Mazkur 5 nafar ishqiboz quyidagi mukofot bilan taqdirlanishadi:
1-o‘rin. NODIRNASAF — 50 ming so‘m
2-o‘rin. YOSHCHEMPION — 40 ming so‘m
3-o‘rin. JAMXONFCB— 30 ming so‘m
4-o‘rin. HALIL — 20 ming so‘m
5-o‘rin. ARSEBARSE — 10 ming so‘m

LA LIGA-2017/2018 tanlovida yuqori 20ta o‘rinni egallagan muxlislar reytingi quyidagicha ko‘rinish oldi.

Demak, mazkur ikkita tanlov bo‘yicha g‘olib bo‘lganlar umumiy hisobdagi quyidagicha pul mukofotini qo‘lga kiritishadi.

YOSHCHEMPION — 90 ming so‘m
NODIRNASAF — 90 ming so‘m
QORIAKA — 30 ming so‘m
JAMXONFCB— 30 ming so‘m
ARSEBARSE — 30 ming so‘m
HALIL — 20 ming so‘m
MESSISURXON — 10 ming so‘m

G‘oliblarni tabriklaymiz va tanlovda ishtirok etgan barcha ishqibozlarga minnatdorchilik bildiramiz.

P.S. APL-2017/2018 va LA LIGA-2017/2018 tanlovida g‘olib va sovrindor bo‘lgan 7 nafar muxlislar o‘z niklarini ro‘yxatdan o‘tkazish paytida ko‘rsatgan elektron pochta (e-mail) orqali stadionuz@mail.ru manziliga maktub yo‘llashlarini so‘raymiz. Mukofot pullari xatda ko‘rsatilgan telefon raqamlari yoki internetdagi abonent raqamlariga o‘tkazib beriladi.