Angliya premyer-ligasining 1-turidan o‘rin olgan “Manchester Yunayted” – “Lester” uchrashuvi o‘z nihoyasiga yetdi.
Barchamiz intizorlik bilan kutgan bu uchrashuvda jamoalar nisbatan o‘zlarini yaxshi ko‘rsata olishdi. Ya’ni o‘yinda tezkor gol yuzaga keldi “qizil iblislar” hakamni hushtagini chalishi bilan hujum qilishga o‘tishdi va golga chanqoq ekanliklarini sezdirib qo‘yishdi.
Uchrashuvning 3-daqiqasida Aleksis Sanches raqib maydonida zarba bermoqchi bo‘ldi biroq, bu zarbani yo‘liga Amartining qo‘li to‘g‘anoq bo‘ldi va hakam o‘ylab ham o‘tirmasdan penalti nuqtasiga ko‘rsatdi. Bu penaltidan esa Pol Pogba ajoyib foydalana oldi 1:0. O‘yinning qolgan vaqtida ko‘proq hujumlarni “MYU” futbolchilari uyushtirdi “Lester” esa o‘z vaqtini kutdi.
Ikkkinchi bo‘limda birinchi bo‘limga nisbatan “Lester” faolroq kirishdi. O‘yinning birinchi penaltisiga sababchi bo‘lgan Amarti o‘yining 56 daqiqasida Sanchesga nisbatan qoida buzarlik qilib musobaqadagi dastlabki sariq kartochkani o‘z hisobiga yozdirib qo‘ydi. O‘yinning 54 daqiqasida Fred “MYU” safida ilk marta ogohlantirildi. “Lester” hujumda yurgan bo‘lsa, Mourinyoning jamoasini ko‘proq qarshi hujumlarda o‘ynadi. O‘yining 66-daqiqasida Markus Reshford o‘rniga Romelu Lukaku maydonga tushdi. “Qizil iblislar” tarkibida Andreas Pereyra raqib futbolchisini maydonga qulatib haqli tarzda sariq kartochka oldi.
Uchrashuvning 76-daqiqasida Fred o‘z o‘rnini yosh iqtidor sohibi Skott Maktominayga bo‘shatib berdi. Lukaku o‘yinning 78-daqiqasida Sanchesning qulay uzatmasidan foydalana olmadi. O‘yinning 82-daqiqasida Lyuk Shou o‘z hisobiga gol yozib qo‘ydi.
Uchrashuvning 83-daqiqasiga kelib “MYU” uchinchi o‘zgarishni amalga oshirdi Pol Pogba o‘rniga Maruan Fellayni maydonga tushdi. O‘yinning qo‘shib berilgan daqiqasida Vardi o‘z hisobiga gol yozib qo‘ydi.
Shunday tarzda, “Manchester Yunayted” musobaqadagi 3 ochkoni qo‘lga kiritdi.
“Manchester Yunayted” – “Lester” 2:1
Gollar: Pogba (3 pen. ) Shou (83), Vardi (90+4).
Manchester Yunayted: De Xea, Bayi, Shou, Darmian, Lindelef, Pogba (Fellayni, 84), Pereyra, Mata, Fred (Maktomini, 76), Sanches, Reshford (Lukaku, 67).
Lester: Shmeyxel, Maguayr, Morgan, Chiluell, Rikardu Pereyra, Ndidi, Amarti (Gezzal, 63), Meddison (Vardi, 63), Adriyen Silva (Iborra, 80), Grey, Ixeanacho.
Ogohlantirishlar: Amarti (51), Fred (54), Pereyra (69).
