AGMK – “Metallurg” uchrashuvidan so‘ng mehmonlar ustozi Andrey Shipilov quyidagicha fikr bildirib o‘tdi: 

- Bugungi o‘yin oldidan musobaqa jadvalidagi o‘rnimiz bizni faqat g‘alaba qozonishga undardi. Shu sababdan butun hafta davomida ham taktik, ham ruhiy jihatdan bugungi bahsga puxta hozirlik olib borishga urindik. Raqibning ham kuchini yaxshi bilardik. Asosan o‘yin tizginini qo‘lga olishga urindik. Qarshi hujumlarda raqibni yaxshi jazolay oldik. Keskin kurashlarga boy o‘yin guvohiga aylandik. Yakunda o‘yinni o‘z foydamizga hal etib, xaqli ravishda kuchli oltilikdan joy oldik, - dedi mutaxassis.