Bugun, 21 avgust kuni Indoneziyada davom etayotgan Osiyo o‘yinlari musobaqasining 3-kuni hisoblanadi. Quvonarlisi, bugungi musobaqalarda ham O‘zbekiston sport delegasiyasi ijobiy natijalarni qayd etdi.
 
Jumladan, -62 kg vazn toifasida og‘ir atletikachi Adhamjon Ergashev musobaqadagi o‘z navbatida chiqish qilib, ikki urinish yakuniga ko‘ra 298 kg tosh ko‘tardi va yakunda bronza medali sohibiga aylandi.





Taekvandochi Dmitriy Shokin final bahsida eronlik raqibiga imkoniyatni boy berdi va yakunda kumush medalni qo‘lga kiritdi. 2:1 hisobida oldinda borayotgan Dmitriy so‘nggi daqiqalarda tashabbusni raqibga boy berib qo‘ygani bugungi kunning eng alamli voqealaridan biri bo‘ldi.





Taekvando bo‘yicha +67 kg vazn toifasida ishtirok etgan Svetlana Osipova yarim finalda qozog‘istonlik raqibasiga yirik 3:19 hisobida yengildi va bronza medal sohibasiga aylandi.





Yunon-rum kurashida kechki dastur janglari boshlandi. Birozdan so‘ng -60kg vazn toifasida yurtimiz sharafini himoya qilayotgan Islomjon Bahromov bronza medali uchun eronlik Mehrdad Mardaniga qarshi gilamga chiqadi.

Ayni vaqtdagi onlayn natijalarga ko‘ra O‘zbekiston kuchli 20 ta delegasiya orasida 11-o‘rinni egallab turibdi, delegasiya bugungi natijalar bo‘yicha 10-o‘rinda borayotgan edi.



O‘zbekistonlik sportchilarning medallar jadvali: