Xabaringiz bor, o‘tgan hafta Yevropa superkubogi bahsi o‘tkazildi. Unda Madridning ikki jamoasi - «Real» va «Atletiko» klublari o‘zaro bahs olib borishdi va «matraschilar» qiyin kechgan uchrashuvda ishonchli g‘alabaga erishishdi.
«Real» klubi hujumchisi Karim Benzema ana shu uchrashuv va boshqa turli mavzular yuzasidan UEFA.com saytiga intervyu berdi.
- Yevropa superkubogida qatnashish Chempionlar Ligasi g‘olibligi kabi «Real» uchun odatiy holga aylanib qoldi. Mavsumning dastlabki eng muhim uchrashuvi siz uchun qanday ahamiyat kasb etdi?
- Yevropa superkubogi ham bitta sovrin. Siz «Real» futbolchisimisiz, demak g‘alaba qozonishga majbursiz. Buning uchun biz maydonda borimizni berdik.
Albatta, g‘alaba qozonishimiz ham mumkin edi. Lekin tarkibimiz yangilandi. Agar mavsumni sovrin bilan boshlaganimizda yomon bo‘lmasdi. Afsuski...
- Chempionlar Ligasi finalida gol urish siz uchun qanday ahamiyat kasb etadi?
- Bu boshqacha gol bo‘ldi. Darvozabon qanday qarorga kelishini oldindan sezgandim. Shu bois ham golni urmasam bo‘lmasdi.
O‘sha kecha men uchun katta ahamiyat kasb etdi. Nafaqat urgan golim, balki finalning o‘zi ham. O‘ylaymanki, ajoyib o‘yin o‘tkazdim. «Real» safidagi eng yaxshi o‘yinlarimdan biri, desam ham bo‘laveradi.
- O‘sha kechadagi Beylning goliga qanday munosabat bildirasiz?
- Ajoyib. «Liverpul» hisobni tenglashtirdi. Shundan so‘ng Beyl qaychi uslubida zarba berib, vaziyatni «Real» tomonga og‘dirdi. Bu Garet va jamoa uchun fantastik vaziyat bo‘lgandi.
- YECHL bahslarida 100dan oshiq o‘yinda maydonga tushgansiz. Bu borada fikringiz qanday?
- Shunday bo‘lgani bilan faxrlanaman. Bu ambisiyalarim va g‘alabaga bo‘lgan chanqoqligimdan dalolat. O‘ynashda davom etib, gollar urishni, jamoadoshlarimga samarali uzatmalar berishni istayman. Yuqoridagi raqamlar menga faxr bag‘ishlaydi va ishtiyoqimni yanada oshiradi.
- So‘nggi besh yilda to‘rt marta YECHLda g‘olib chiqish qanday bo‘larkan?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
