Eron terma jamoasining O‘zbekistonga qachon kelishi ma’lum bo‘ldi.

O‘zbekiston futbol assosiasiyasi Matbuot xizmatining ma’lum qilishicha, eronliklar bugun, 9 sentyabr kuni soat 19:00 da charter reys bilan Toshkentga tashrif buyuradi va “International hotel” mehmonxonasiga joylashadi. 

Kecha eronliklar safida yetakchi hujumchi Sardor Azmun O‘zbekistonga qarshi o‘yinga kelmasligi haqida xabar bergan edik. 

Shuningdek, O‘zbekiston – Eron o‘rtoqlik uchrashuvini boshqaradigan hakamlar ham ma’lum bo‘ldi. Unga ko‘ra, 11 sentyabr kuni bo‘ladigan o‘yinni qirg‘izistonlik Dmitriy Mashinsev boshchiligidagi hakamlar boshqaradi. Qanotlarda Mashinsevga Bahodir Qo‘chqorov va Ismoil Tolibjonovlar yordam beradi. 

Eslatib o‘tamiz, O‘zbekiston – Eron uchrashuvi 11 sentyabr kuni Toshkent shahridagi “Milliy” stadionda soat 20:00da boshlanadi.