Эрон терма жамоасининг Ўзбекистонга қачон келиши маълум бўлди.

Ўзбекистон футбол ассоциацияси Матбуот хизматининг маълум қилишича, эронликлар бугун, 9 сентябрь куни соат 19:00 да чартер рейс билан Тошкентга ташриф буюради ва “International hotel” меҳмонхонасига жойлашади. 

Кеча эронликлар сафида етакчи ҳужумчи Сардор Азмун Ўзбекистонга қарши ўйинга келмаслиги ҳақида хабар берган эдик. 

Шунингдек, Ўзбекистон – Эрон ўртоқлик учрашувини бошқарадиган ҳакамлар ҳам маълум бўлди. Унга кўра, 11 сентябрь куни бўладиган ўйинни қирғизистонлик Дмитрий Машинцев бошчилигидаги ҳакамлар бошқаради. Қанотларда Машинцевга Баҳодир Қўчқоров ва Исмоил Толибжоновлар ёрдам беради. 

Эслатиб ўтамиз, Ўзбекистон – Эрон учрашуви 11 сентябрь куни Тошкент шаҳридаги “Миллий” стадионда соат 20:00да бошланади.