"Metallurg" – "Lokomotiv" uchrashuvidan so‘ng mezbonlar ustozi Andrey Shipilov quyidagicha fikr bildirdi:
“O‘yin oson o‘tmaganini ayta olaman. Zero bugungi raqibimiz ancha jiddiy edi. Lekin yigitlar maydonda qo‘rqmay o‘ynashdi. Ular qo‘ldan kelgancha harakat qilishdi. Jamoamiz himoyaga yotib olgani yo‘q.
Lekin baribir futbolda raqibidan ko‘ra ko‘proq gol urgan jamoa g‘alabaga erishadi. Bugun bir qator xavfli vaziyatlar yarata olgan bo‘lsak-da, “Lokomotiv” himoya chizig‘i ishonchli o‘ynagani sababdan gol urish bobida omadimiz kelmadi. Raqibni g‘alaba bilan tabriklayman”, - dedi mutaxassis.
