Kecha, 15 sentyabr Respublikamizda “Avtomobilsiz kun” aksiyasiga start berildi. Ushbu tadbir Vazirlar Maxkamasining 2018 yil 30 avgustdagi “Yo‘l harakati xavfsizligi kunini o‘tkazish va yo‘l transport xodisalari profilaktikasining samaradorligini oshirish chora-tadbirlari to‘g‘risida”gi 701-sonli qarorida belgilangan vazifaga asosan tashkil etildi. Mazkur aksiya Ichki Ishlar vazirligi, Bosh prokuratura, Ekoharakat hamda O‘zbekiston velosiped sporti federasiyasi hamkorligida o‘tkazildi. Aksiyada vazirlik va idoralar rahbar va xodimlari bilan bir qatorda O‘zbekiston velosiped sporti federasiyasi xodimlari faol ishtirok etib, o‘z ish joylariga velosipeda keldilar.

Ushbu aksiya nafaqat atrof-muxitni muxofaza qiladi, shu bilan birga odamlar orasida sog‘lom turmush-tarzini targ‘ib etib, yurtimizda velosport turini yanada ommalashiga xizmat qiladi. Bugungi kunda yurtimizda Prezidentimiz tashabbuslari bilan velosiped yo‘laklari hamda zamonaviy veloturargohlar barpo etilayotganligi quvonarli xoldir.

Ma’lumot uchun, ushbu aksiya har oyning uchinchi jumasida domiy ravishda o‘tkazilib kelinadi.