"Paxtakor" O‘zbekiston Kubogi chorak finalida "Lokomotiv" bilan bellashuvdan avval dushanba kuni oxirgi mashg‘ulotni o‘tkazdi. 

Mashg‘ulotda ayni paytda murabbiylar shtabi ixtiyorida qolgan barcha futbolchi bir soatdan ortiqroq vaqt mobaynida shug‘ullandi. Ular chigalyozdi mashqlarini bajargach, bo‘lajak o‘yinda asqotishi mumkin bo‘lgan turli taktik jihatlar va o‘yin holatlariga e’tibor qaratishdi. Diskvalifikasiya bilan bog‘liq yo‘qotishlar “Paxtakor” safida yo‘q.

Ma’lumot uchun, "Paxtakor" va "Lokomotiv" jamoalari o‘rtasidagi bellashuv 18 sentyabr kuni "Paxtakor" stadionida soat 20:00da boshlanadi.