Pepsi Superliga 24- tur doirasidagi “Qizilqum” – “Qo‘qon-1912” uchrashuvidan keyingi matbuot anjumanining birinchi qismida mehmonlar ustozi No‘’mon Hasanov ishtirok etdi.

- O‘yin shiddatli kurashlar ostida o‘tdi. Bugun alamli mag‘lubiyatga uchradik. So‘nggi daqiqalarda o‘tkazib yuborilgan gol o‘z ta’siri o‘tkazdi. “Qizilqum” tarkibida tajribali o‘yinchilar ko‘pligi ham ularga qo‘l keldi.

To‘g‘ri bizda gol urish uchun ko‘plab imkoniyatlar bo‘ldi. Lekin ulardan foydalana olmadik. Agar mezbonlarda bunday vaziyatlar bo‘lganida ular bundan foydalanishlari mumkin edi. Qolaversa, zaxiradan maydonga tushgan futbolchilarimiz o‘yinni kuchaytira olishmadi.

“Qizilqum” jamoasini bugungi g‘alaba bilan tabriklayman. Ularga keyingi uchrashuvlarda omad tilab qolaman.