21 asrning eng yaxshi futbolchilari Lionel Messi va Krishtianu Ronaldu France Football nashrining xay’at a’zosiga aylandilar. Gap shundaki, ular 21 yoshgacha bo‘lgan eng yaxshi futbolchilarni aniqlash uchun so‘rovnomada qatnashadilar.
France Football “Oltin to‘p”ga qo‘shimcha ravishda “Kopa Trofi” sovrini tashkil etgan bo‘lib, ushbu sovrin Fransiya terma jamoasi sobiq futbolchisi Raymon Kopa nomiga bag‘ishlab ta’sis etilgan.
Shuningdek, xay’at azolari tarkibida “Oltin to‘p”ni qo‘lga kiritgan: Ronaldinyo, Zinedin Zidan, Marko van Basten, Frans Bekkenbauer, Mishel Platini kabi futbolchilarni ham ko‘rish mumkin.
Ma’lumot o‘rnida, “Kopa Trofi” sovriniga asosiy da’vogarlar ro‘yxati 8 oktyabr kuni e’lon qilinadi va g‘olib nomi 3 dekabr kuni aniq bo‘ladi.
