21 асрнинг энг яхши футболчилари Лионель Месси ва Криштиану Роналду France Football нашрининг хайъат аъзосига айландилар. Гап шундаки, улар 21 ёшгача бўлган энг яхши футболчиларни аниқлаш учун сўровномада қатнашадилар.
France Football “Олтин тўп”га қўшимча равишда “Копа Трофи” соврини ташкил этган бўлиб, ушбу соврин Франция терма жамоаси собиқ футболчиси Раймон Копа номига бағишлаб таъсис этилган.
Шунингдек, хайъат азолари таркибида “Олтин тўп”ни қўлга киритган: Роналдиньо, Зинедин Зидан, Марко ван Бастен, Франц Беккенбауэр, Мишель Платини каби футболчиларни ҳам кўриш мумкин.
Маълумот ўрнида, “Копа Трофи” совринига асосий даъвогарлар рўйхати 8 октябрь куни эълон қилинади ва ғолиб номи 3 декабрь куни аниқ бўлади.
