Avvalroq o‘zbekistonlik bokschi Bahodir Jalolov professional ringdagi ikkinchi jangini o‘tkazishi haqida xabar berib o‘tgandik.
Jangga oz vaqt qolganida uning raqibi o‘zgardi. Bahodir avval ma’lum qilinganidek mezbon bokschi Tomas Xaukinsga qarshi emas, meksikalik charm qo‘lqop ustasi Eduardo Vitelaga qarshi ringga ko‘tarildi.
E’tiborlisi, Jalolov jangning birinchi raundidayoq raqibini nokautga uchratdi va professional ringdagi ikkinchi jangida ikkinchi g‘alabasini nishonladi.
Eduardo Vitelaning prof boksdagi janglari soni 6taga yetdi. U bungacha 3ta g‘alaba (2tasi nokaut) va 3ta mag‘lubiyat (2tasi nokaut) qayd etgan.
