Xalqaro olimpiya qo‘mitasi (XOQ) Xalqaro havaskorlik boks uyushmasi (AIBA) vaqtinchalik rahbari G‘ofur Rahimovga 2018 yilgi o‘smirlar Olimpiya o‘yinlariga tashrif buyurishni taqiqlab qo‘ydi, deb xabar bermoqda Insidethegames.
Xalqaro olimpiya qo‘mitasi bosh direktori Kristof De Kepperning ma’lum qilishicha, qo‘mita «AIBA bilan ish bo‘yicha munosabatlardan tashqari, barcha aloqalarni hamon muzlatib qo‘ygan», deb yozmoqda R-sport.
O‘zbekiston vakili Rahimov AIBA rahbari lavozimiga yagona nomzod sanaladi. AQSH Moliya vazirligining chet el aktivlarini nazorat qilish bo‘yicha departamenti Rahimovni sanksiyalar ro‘yxatiga kiritdi, XOQ unga ushbu lavozimga o‘z nomzodini ilgari surishi boksning olimpiya maqomini saqlab qolish masalasiga ta’sir qilishi mumkinligi haqida xabar berdi.
Xalqaro olimpiya qo‘mitasi ijro qo‘mitasi payshanba kuni tashkilotdagi saylovlar bilan bog‘liq vaziyatdan xavotirda ekanini bildirdi va AIBA’ni 2020 yilgi o‘yinlardan boshlab Olimpiya oilasidagi joyidan mahrum bo‘lishi mumkinligi haqida xabardor etdi.
O‘smirlar o‘rtasidagi Olimpiya o‘yinlari 6-18 oktyabr kunlari Buenos-Ayresda (Argentina) bo‘lib o‘tadi.
Eslatib o‘tamiz, avvalroq AIBA Ijroqo‘mi tashkilotning sobiq rahbarlarini boksdan umrbod chetlatishga qaror qilgandi.
