Ertaga 7-oktyabr kuni Toshkent vaqti bilan tongda (taxminan soat 08:00-09:00 oralig‘ida) bo‘lib o‘tadigan Habib Nurmagomedov va Konor Makgregor uchun atalgan gonorar summasi oshkor qilindi.
UFC 229 turniri tashkilotchilarining ma’lum qilishicha, Habib Nurmagomedov uchun kafolatlangan gonorar — 2 million, Konor Makgregorniki esa — 3 million dollarni tashkil etadi. Ular, bundan tashqari, translyasiya va boshqa tushumlar hisobidan ham daromad qilishlari mumkin.
Avvalroq Habibning menejeri ushbu jang yakuniga ko‘ra, umumiy 10 million dollar atrofida gonorar olishga umid qilishayotganini bildirgan edi.
