“So‘g‘diyona” – “Qo‘qon-1912” uchrashuvidan so‘ng mehmonlar bosh murabbiyi No‘’mon Hasanov quyidagicha fikr bildirdi:

"Bugungi mag‘lubiyatdan so‘ng ancha qiyin vaziyatga tushib qoldik. Endi shu qiyin vaziyatdan qanday chiqib ketish haqida yaxshilab bosh qotirishimiz lozim. Hamisha mag‘lubiyatda murabbiy aybdor bo‘lgan. Men ham mag‘lubiyatdagi aybni o‘z zimmamga olaman. Yigitlar qo‘ldan kelgancha harakat qilishdi. Lekin to‘p darvozaga kirishni istamasa ham qiyin ekan. Endi oldindagi uchrashuvlarda yaxshi natijalar qayd etib, qiyin vaziyatdan chiqib ketishga urinamiz. Raqibni g‘alaba bilan tabriklayman", - dedi mutaxassis.