Ispaniya chempionatining 9-turi doirasida bo‘lib o‘tayotgan "Barselona" va "Sevilya" jamoalari o‘rtasidagi o‘yinning birinchi bo‘limida Lionel Messi qo‘lidan jarohat olgani haqida xabar berib o‘tgandik.

Argentinalik futbolchi raqib o‘yinchisi bilan to‘qnashuv oqibatida yerga o‘ng qo‘li bilan noqulay tushdi. Natijada Leo o‘yinni davom ettira olmadi va maydonni tark etdi.

Ispaniyaning Sport.es sayti xabar tarqatishicha, klub tibbiyot xodimlari Messini tezda shifoxonaga olib ketishgan. U yerda futbolchining qo‘li rentgen va boshqa tekshiruvlardan o‘tkaziladi.

Dastlabki taxminlarga ko‘ra, Lionelning bo‘g‘imidagi paylari cho‘zilgan. Agar shunday bo‘lib chiqsa, futbolchi 10-15 kun davomida maydonga tusha olmaydi. Oqibatda u "Inter" va "Real"ga qarshi o‘yinlarni o‘tkazib yuborishi mumkin.