Shvesiyalik mashhur mutaxassis Sven Yoran Eriksson Filippin termasi bosh murabbiyligiga tayinlandi, deya xabar berdi ESPN.
70 yoshli mutaxassis bilan olti oylik shartnoma imzolandi. Kelishuvning qolgan tafsilotlari haqida hozircha ma’lumot berilmagan. Filippin futbol federasiyasi rahbariyati ushbu tayinlov terma jamoaning ASEAN chempionati va Osiyo kubogi-2019dagi imkoniyatlarini oshirishidan umidvor. Filippin jamoasida irlandiyalik Skott Kuper ham faoliyat yuritadi.
Eslatib o‘tamiz, Eriksson 2001-2006 yillar mobaynida Angliya termasini boshqargan, shuningdek, Meksika va Kot-d`Ivuar milliy jamoalarida ham bosh murabbiylik qilgan. Bundan tashqari, shvesiyalik mutaxassis klub futbolida ham o‘chmas iz qoldirgan. U “Gyoteborg”, “Benfika”, “Roma”, “Lasio”, “Manchester Siti”, “Lester” kabi klublarda ishlagan.
