"Paxtakor" darvozaboni jamoaning finalga hozirligi va o‘zining kichik rekordi xususida ta’kidlab o‘tdi.

- Finalga tayyorgarligimiz yaxshi o‘tdi. Avvalgi o‘yinda derbida g‘alaba qozondik. Finaldan avval baribir hayajon bo‘ladi. Chunki yangi jamoamda birinchi sovrinni qo‘lga kiritishim mumkin. Xudo xohlasa, kubokni qo‘lga kiritib, keyin chempionatda kurashni oxirigacha davom ettiramiz. Kubokdagi g‘alaba ruhan bizga yordam berishiga umid qilaman.

"Paxtakor" bilan ushbu finalda o‘ynash boshqacha kayfiyat taqdim etmoqdami?

- Ha, klubda yangi rahbariyat va futbolchilarning birinchi katta yutug‘i bo‘lishi mumkin. Maqsadimiz faqat g‘alaba qozonish.

Finalda o‘ynasangiz bu siz uchun 4-finalga aylanadi. Shunda Oleg Belyakov, Temur Jo‘rayev, Murod Zuhurov va Narimov Osmonov kabi darvozabonlarga yetib olasiz.

- Finalga chiqish hamisha yoqimli. Bunday o‘yinlarni ko‘proq o‘ynash nasib qilsin. Shunday ajoyib posbonlar rekordini takrorlash juda yaxshi.

Finalga alohida tayyorgarlik bo‘ldimi?

- Yo‘q, buning hojati ham yo‘q. Chunki final bir o‘yindan iborat. Buni futbolchilar yaxshi tushunib turishibdi.