"Пахтакор" дарвозабони жамоанинг финалга ҳозирлиги ва ўзининг кичик рекорди хусусида таъкидлаб ўтди.
- Финалга тайёргарлигимиз яхши ўтди. Аввалги ўйинда дербида ғалаба қозондик. Финалдан аввал барибир ҳаяжон бўлади. Чунки янги жамоамда биринчи совринни қўлга киритишим мумкин. Худо хоҳласа, кубокни қўлга киритиб, кейин чемпионатда курашни охиригача давом эттирамиз. Кубокдаги ғалаба руҳан бизга ёрдам беришига умид қиламан.
"Пахтакор" билан ушбу финалда ўйнаш бошқача кайфият тақдим этмоқдами?
- Ҳа, клубда янги раҳбарият ва футболчиларнинг биринчи катта ютуғи бўлиши мумкин. Мақсадимиз фақат ғалаба қозониш.
Финалда ўйнасангиз бу сиз учун 4-финалга айланади. Шунда Олег Беляков, Темур Жўраев, Мурод Зуҳуров ва Наримов Осмонов каби дарвозабонларга етиб оласиз.
- Финалга чиқиш ҳамиша ёқимли. Бундай ўйинларни кўпроқ ўйнаш насиб қилсин. Шундай ажойиб посбонлар рекордини такрорлаш жуда яхши.
Финалга алоҳида тайёргарлик бўлдими?
- Йўқ, бунинг ҳожати ҳам йўқ. Чунки финал бир ўйиндан иборат. Буни футболчилар яхши тушуниб туришибди.
