O‘zbekiston superligasining 28-turi doirasida markaziy o‘yinda Toshkentdagi "Lokomotiv" stadionida bo‘lib o‘tdi. Chempionlik uchun kurash olib borayotgan "temiryo‘lchilar" o‘z uyida "Metallurg"ni qabul qilib, ochko yo‘qotishiga bir baxya qoldi.

Ushbu mavsumda bekobodliklar barcha o‘yinlarda "Loko"ga jiddiy qarshilik ko‘rsatib kelishmoqda. Shipilov shogirdlari Toshkentdan 1 ochko bilan qaytishlari mumkin edi...

Butun o‘yin davomida "Lokomotiv" futbolchilari katta tashabbusga ega bo‘lishdi. Bikmayev, Abduxoliqov, Mirzayev kabi futbolchilar juda qulay imkoniyatlardan foydalana olmagan bo‘lsalar, Aliboyev tomonidan olis masofadan yo‘llangan bir nechta zarbalarga aniqlik yetishmadi.

Ikkinchi bo‘limning 65-daqiqasida "Metallurg" hujumchisi Zabihillo O‘rinboyev maydondan chetlatilgani ham maydon egalarining ishini osonlashtirmadi.

Nihoyat, o‘yinga qo‘shib berilgan daqiqalarda mezbonlar g‘alaba to‘pini kiritishdi. Zoteev o‘zi boshlagan hujumni gol bilan yakunlashi mumkin edi, ammo uning yaqin masofadan bergan zarbasini darvozabon qaytardi. To‘p esa Ismoilovga kelib tushdi. Anzur uncha kuchli bo‘lmagan zarbasi natijasida to‘p dumalab to‘rga borib tushdi.

O‘zbekiston superligasi, 28-tur
"LOKOMOTIV" - "METALLURG" 1:0
Gol: Anzur Ismoilov (90+1)
"Lokomotiv": Ignatiy Nesterov, Kaxi Maxaradze, Islom To‘xtaxo‘jayev, Oleg Zoteev, Anzur Ismoilov, Ikrom Aliboyev, Sardor Mirzayev, Sadriddin Abdullayev (Diyorjon Turopov, 80), Sanjar Shoahmedov (Farrux Ibrohimov, 69), Marat Bikmayev, Temurxo‘ja Abduxoliqov (Husniddin G‘ofurov, 64).
"Metallurg": Javohir Ilyosov, Zoir Jo‘raboyev, Abbos Otaxonov, Suhrob Nurulloyev, Zabihillo O‘rinboyev, Islombek Isoqjonov (Pavel Smolyachenko, 76), Zohid Abdullayev (Muhammadjon Sultonov, 82), Davronbek Umirov (Zafar To‘rayev, 85), Sherzod Fayziyev, Xudoyshukur Sattorov, Muhammad Isayev.
Chetlatish: Zabihillo O‘rinboyev (65)