"Nasaf" - "Neftchi" uchrashuvidan so‘ng mehmonlar bosh murabbiyi Bahrom Haydarov quyidagicha fikr bildirdi:
- Bugun butun bahs davomida ustunlik "Nasaf" jamoasi tomonida bo‘ldi. Biz esa to‘p bilan muomala qilishda va himoyadan hujumga o‘tishda ko‘plab xatolarga yo‘l qo‘ydik. Mana uchinchi o‘yindirki, standart vaziyatdan gol o‘tkazib yuboryapmiz.
Shu jihat ustida yana ishlashimiz lozim ekan. Bugun diqqat-e’tiborni to‘plab oldinga o‘tishda biroz qiynaldik. Endi qolgan 3 ta o‘yinda yaxshi o‘yin ko‘rsatib, oxiriga qadar kurash olib boramiz. 3 ta o‘yinda 9 ochko olishimiz shart endi, - dedi mutaxassis.
