Bugun Ispaniya poytaxti Madrid shahrida karate bo‘yicha 24-jahon chempionati start oladi. Musobaqada yer yuzining 139 mamlakatidan 1200 nafarga yaqin sportchi sovrinli o‘rinlar uchun kurash olib boradi. Ushbu nufuzli musobaqada o‘zbekistonlik sportchilar ham ishtirok etadilar.
Jahon chempionatida quyidagi sportchilar yurtimiz sharafini himoya qiladilar:
Erkaklar:
-60 kg: Sadriddin Saymatov
-67 kg: Iqboljon Uzoqov
-75 kg: Dastonbek Otabolayev
+84 kg: G‘ofurjon Zohidov
Ayollar:
-50 kg: Baxriniso Boboyeva
-61 kg: Barno Mirzayeva
-68 kg: Dildor Annadurdiyeva
Bahslar 11 noyabrga qadar davom etadi.
Kecha Madridda Jahon karate federasiyasining navbatdagi Kongressi bo‘lib o‘tdi. Unda O‘zbekiston karate Milliy federasiyasi raisi Alamjon Mullayev va bosh kotib Kamoliddin Xodjaniyazovlar ishtirok etishdi.
