Shu kunlarda Milliy olimpiya qo‘mitasida yurtimizdagi sport federasiyalari bilan hamkorlikda Tokio Olimpiadasi uchun ishlab chiqilgan rejalarning keng muhokamasi bo‘lib o‘tmoqda.
Bungacha yengil atletika va boks federasiyasi vakillari bilan ana shunday yig‘ilish tashkil qilindi. Navbatdagi uchrashuv biryo‘la to‘rt sport turi vakili bilan o‘tkazildi. Unda basketbol, gandbol, suv polosi va suvga sakrash bo‘yicha mutaxassislar ishtirok etishdi.
Sir emaski, yuqorida qayd etilgan sport turlari bo‘yicha O‘zbekiston xech qachon Olimpiya o‘yinlarida ishtirok etmagan. Bugun o‘tkazilgan uchrashuvda jamoalarimizning Tokio Olimpiya o‘yinlari uchun lisenziya olish imkoniyatlari muhokama qilindi. Federasiya mutasaddilari MOQ rahbariyatiga Olimpiada yo‘llanmasiga ega chiqish uchun nimalar qilish lozimligi, qaysi yo‘nalishda ish olib bormoqchi ekanliklari haqida ma’lumot berdilar.
Eslatib o‘tamiz, bugun Milliy olimpiya qo‘mitasi tomonidan Tokio Olimpiadasiga lisenziya qo‘lga kiritgan har bir sportchi uchun 100 million so‘mdan pul mukofoti berilishi ma’lum qilindi.
