Osiyo chempioni, Osiyo o‘yinlari g‘olibi Isroil Madrimov professional ringdagi debyut jangini o‘tkazdi. Hamyurtimiz professional boksdagi ilk jangida meksikalik Vladimir Ernandesga qarshi ringga chiqdi.

10 raundga mo‘ljallangan jang oltinchi raundda yakuniga yetdi. Hamyurtimiz o‘zining ketma-ket zarbalari evaziga raqibini nokautga uchratdi va prof boksdagi faoliyatini g‘alaba bilan boshladi. Bokschimiz ushbu g‘alaba orqali debyut jangidayoq WBA Intercontinental kamariga ega chiqdi.

Ma’lumot uchun, meksikalik Viktor Ernandesning prof boksda o‘tkazgan janglari 13 taga yetdi. U janglarining 10 tasida g‘alaba qozongan. Oltita jangda raqiblarini nokautga uchratgan. Madrimovga qarshi jangda u uchinchi mag‘lubiyatini qabul qilib oldi.

Milliy olimpiya qo‘mitasi ushbu muvaffaqiyat bilan bokschimizni muborakbod etadi.